ಭಾರತದ ಗ್ರಾಮೀಣ ಮಹಿಳೆಯರಿಗೆ ಆರ್ಥಿಕ ಸ್ವಾತಂತ್ರ್ಯ ಮತ್ತು ಸಬಲೀಕರಣದ ದಿಕ್ಕಿನಲ್ಲಿ ಒಂದು ಮಹತ್ವದ ಹೆಜ್ಜೆಯಾಗಿ, ಜೀವ ವಿಮಾ ನಿಗಮ (ಎಲ್‌ಐಸಿ) ಈ ಯೋಜನೆಯು ಮಹಿಳೆಯರಿಗೆ ಮಾತ್ರ ಮೀಸಲಾಗಿದ್ದು, ಗ್ರಾಮೀಣ ಪ್ರದೇಶಗಳಲ್ಲಿ ವಿಮಾ ಸೌಲಭ್ಯವನ್ನು ವಿಸ್ತರಿಸುವ ಜೊತೆಗೆ ಮಹಿಳೆಯರಿಗೆ ಜೀವನೋಪಾಯದ ಅವಕಾಶಗಳನ್ನು ಸೃಷ್ಟಿಸುವ ಗುರಿಯನ್ನು ಹೊಂದಿದೆ. ಈ ಯೋಜನೆಯ ಮೂಲಕ ಮಹಿಳೆಯರು ಎಲ್‌ಐಸಿ ವಿಮಾ ಏಜೆಂಟ್‌ಗಳಾಗಿ ತರಬೇತಿ ಪಡೆಯುವುದಲ್ಲದೇ, ಮಾಸಿಕ ಸ್ಟೈಫಂಡ್‌ನೊಂದಿಗೆ ಆರ್ಥಿಕವಾಗಿ ಸ್ವಾವಲಂಬಿಗಳಾಗಬಹುದು.
ಬಿಮಾ ಸಖಿ ಯೋಜನೆ ಎಂದರೇನು?
ಎಲ್‌ಐಸಿ ಬಿಮಾ ಸಖಿ ಯೋಜನೆಯು ಮಹಿಳೆಯರಿಗೆ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಮೂರು ವರ್ಷಗಳ ವೇತನ ಯೋಜನೆಯಾಗಿದೆ. ಈ ಯೋಜನೆಯಡಿ, ಗ್ರಾಮೀಣ ಮಹಿಳೆಯರಿಗೆ ಎಲ್‌ಐಸಿಯ ವಿಮಾ ಉತ್ಪನ್ನಗಳು, ಹಣಕಾಸು ಸಾಕ್ಷರತೆ, ಮತ್ತು ವಿಮೆಯ ಒಳಿತುಗಳ ಬಗ್ಗೆ ತರಬೇತಿ ನೀಡಲಾಗುತ್ತದೆ. ತರಬೇತಿಯ ಮೂರು ವರ್ಷಗಳ ಅವಧಿಯಲ್ಲಿ, ಭಾಗವಹಿಸುವವರು ಮಾಸಿಕ ಸ್ಟೈಫಂಡ್ ಪಡೆಯುತ್ತಾರೆ ಮತ್ತು ತರಬೇತಿ ಪೂರ್ಣಗೊಂಡ ನಂತರ ಎಲ್‌ಐಸಿ ವಿಮಾ ಏಜೆಂಟ್‌ಗಳಾಗಿ ಕಾರ್ಯನಿರ್ವಹಿಸಬಹುದು.
ಯೋಜನೆಯ ಪ್ರಮುಖ ಉದ್ದೇಶಗಳು :
1. ಮಹಿಳಾ ಸಬಲೀಕರಣ: ಗ್ರಾಮೀಣ ಮಹಿಳೆಯರಿಗೆ ಆರ್ಥಿಕ ಸ್ವಾತಂತ್ರ್ಯ ಮತ್ತು ಉದ್ಯೋಗಾವಕಾಶಗಳನ್ನು ಒದಗಿಸುವುದು.
2. ವಿಮಾ ಜಾಗೃತಿ: ಗ್ರಾಮೀಣ ಸಮುದಾಯಗಳಲ್ಲಿ ವಿಮೆಯ ಮಹತ್ವದ ಬಗ್ಗೆ ಅರಿವು ಮೂಡಿಸುವುದು.
3. ಹಣಕಾಸು ಸಾಕ್ಷರತೆ: ಕುಟುಂಬಗಳಿಗೆ ಉತ್ತಮ ಹಣಕಾಸು ನಿರ್ವಹಣೆಗೆ ಮಾರ್ಗದರ್ಶನ ನೀಡುವ ಮೂಲಕ ಆರ್ಥಿಕ ಒಳಗೊಳ್ಳುವಿಕೆಯನ್ನು ಉತ್ತೇಜಿಸುವುದು.
4. ವೃತ್ತಿಪರ ತರಬೇತಿ: ವಿಮಾ ಏಜೆಂಟ್‌ಗಳಾಗಿ ಕಾರ್ಯನಿರ್ವಹಿಸಲು ಮಹಿಳೆಯರಿಗೆ ಕೌಶಲ್ಯ ಮತ್ತು ಜ್ಞಾನವನ್ನು ಒದಗಿಸುವುದು.
ಯೋಜನೆಯ ಮುಖ್ಯಾಂಶಗಳು :
– ವೇತನ ರಚನೆ: – ಮೊದಲ ವರ್ಷ: ತಿಂಗಳಿಗೆ ₹7,000 ಸ್ಟೈಫಂಡ್ + ₹48,000 ಕಮಿಷನ್ (ಬೋನಸ್ ಹೊರತುಪಡಿಸಿ).
– ಎರಡನೇ ವರ್ಷ: ತಿಂಗಳಿಗೆ ₹6,000 ಸ್ಟೈಫಂಡ್.
– ಮೂರನೇ ವರ್ಷ: ತಿಂಗಳಿಗೆ ₹5,000 ಸ್ಟೈಫಂಡ್ (ಷರತ್ತುಗಳಿಗೆ ಒಳಪಟ್ಟು).
– ತರಬೇತಿ: ಮೂರು ವರ್ಷಗಳ ವಿಶೇಷ ತರಬೇತಿಯ ಮೂಲಕ ವಿಮಾ ಉತ್ಪನ್ನಗಳು, ಹಣಕಾಸು ಸಾಕ್ಷರತೆ, ಮತ್ತು ವಿಮಾ ಜಾಗೃತಿಯ ಬಗ್ಗೆ ಜ್ಞಾನ ನೀಡಲಾಗುತ್ತದೆ.
– ವೃತ್ತಿ ಅವಕಾಶ: ತರಬೇತಿ ಮುಗಿದ ನಂತರ ಎಲ್‌ಐಸಿ ವಿಮಾ ಏಜೆಂಟ್ ಆಗಿ ಕೆಲಸ ಮಾಡುವ ಅವಕಾಶ. ಪದವೀಧರರಿಗೆ ಅಭಿವೃದ್ಧಿ ಅಧಿಕಾರಿ ಹುದ್ದೆಗೆ ಅರ್ಹತೆ.
– ಗುರಿ: ಮೂರು ವರ್ಷಗಳಲ್ಲಿ 2 ಲಕ್ಷ ಬಿಮಾ ಸಖಿಯರನ್ನು ನೇಮಿಸಿಕೊಳ್ಳುವುದು.
– ಆದ್ಯತೆ: ಗ್ರಾಮೀಣ ಪ್ರದೇಶದ ಮಹಿಳೆಯರಿಗೆ ವಿಶೇಷ ಆದ್ಯತೆ.
ಅರ್ಹತೆಗಳು :
– ವಯಸ್ಸು: 18 ರಿಂದ 70 ವರ್ಷದೊಳಗಿನ ಮಹಿಳೆಯರು.
– ವಿದ್ಯಾರ್ಹತೆ: ಕನಿಷ್ಠ 10ನೇ ತರಗತಿ ಉತ್ತೀರ್ಣ.
– ಆದ್ಯತೆ: ಗ್ರಾಮೀಣ ಪ್ರದೇಶದ ಮಹಿಳೆಯರಿಗೆ ಮೊದಲ ಆದ್ಯತೆ.
ಅರ್ಜಿ ಸಲ್ಲಿಸುವ ವಿಧಾನಗಳು :
1. ವೆಬ್‌ಸೈಟ್‌ಗೆ ಭೇಟಿ: ಎಲ್‌ಐಸಿಯ ಅಧಿಕೃತ ವೆಬ್‌ಸೈಟ್‌ https://licindia.in/ಗೆ ಭೇಟಿ ನೀಡಿ.
2. ಬಿಮಾ ಸಖಿ ವಿಭಾಗ: ವೆಬ್‌ಸೈಟ್‌ನಲ್ಲಿ ‘ಬಿಮಾ ಸಖಿ’ ಎಂದು ಹುಡುಕಿ ಅಥವಾ ಕೆಳಗೆ ಸ್ಕ್ರಾಲ್ ಮಾಡಿ, ‘ಬಿಮಾ ಸಖಿಗಾಗಿ ಇಲ್ಲಿ ಕ್ಲಿಕ್ ಮಾಡಿ’ ಬಟನ್ ಕ್ಲಿಕ್ ಮಾಡಿ.
3. ವಿವರಗಳ ಭರ್ತಿ: ಹೆಸರು, ಜನ್ಮ ದಿನಾಂಕ, ಮೊಬೈಲ್ ಸಂಖ್ಯೆ, ಇಮೇಲ್ ಐಡಿ, ವಿಳಾಸ, ಎಲ್‌ಐಸಿಯ ಏಜೆಂಟ್/ಉದ್ಯೋಗಿಗೆ ಸಂಬಂಧಿಕರಾಗಿದ್ದರೆ ಆ ವಿವರ, ಮತ್ತು ಕ್ಯಾಪ್ಚಾ ಕೋಡ್ ಭರ್ತಿ ಮಾಡಿ. ‘ಸಲ್ಲಿಸು’ ಕ್ಲಿಕ್ ಮಾಡಿ.
4. ರಾಜ್ಯ ಮತ್ತು ನಗರ ಆಯ್ಕೆ: ನಿಮ್ಮ ರಾಜ್ಯ ಮತ್ತು ಕೆಲಸ ಮಾಡಲು ಬಯಸುವ ನಗರವನ್ನು ಆಯ್ಕೆಮಾಡಿ.5. ಶಾಖೆ ಆಯ್ಕೆ: ಸಮೀಪದ ಎಲ್‌ಐಸಿ ಶಾಖಾ ಕಚೇರಿಯನ್ನು ಆಯ್ಕೆಮಾಡಿ ಮತ್ತು ‘ಲೀಡ್ ಫಾರ್ಮ್ ಸಲ್ಲಿಸಿ’ ಕ್ಲಿಕ್ ಮಾಡಿ.
ಅಗತ್ಯ ದಾಖಲೆಗಳು :
– ವಿಳಾಸ ಪುರಾವೆಯ ಸ್ವಯಂ-ದೃಢೀಕೃತ ಪ್ರತಿ.
– ವಯಸ್ಸಿನ ಪುರಾವೆಯ ಸ್ವಯಂ-ದೃಢೀಕೃತ ಪ್ರತಿ.
– ಶೈಕ್ಷಣಿಕ ಪ್ರಮಾಣಪತ್ರಗಳ ಸ್ವಯಂ-ದೃಢೀಕೃತ ಪ್ರತಿ.
– ಇತ್ತೀಚಿನ ಪಾಸ್‌ಪೋರ್ಟ್ ಗಾತ್ರದ ಛಾಯಾಚಿತ್ರ.
ಕೊನೆಯ ದಿನಾಂಕಗಳು :
ಎಲ್‌ಐಸಿ ಬಿಮಾ ಸಖಿ ಯೋಜನೆಗೆ ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕವನ್ನು ಇನ್ನೂ ಘೋಷಿಸಲಾಗಿಲ್ಲ. ಆದ್ದರಿಂದ, ಆಸಕ್ತ ಮಹಿಳೆಯರು ಶೀಘ್ರವಾಗಿ ಅರ್ಜಿ ಸಲ್ಲಿಸುವುದು ಉತ್ತಮ.